4. ariketa: Bi Ikaslerentzako Etxea

Lehenengo lauhilekoko azken hiru aste hauek Tailer Bateratuko Proiektua aurrera eramaten pasa ditugu. Proiektu honen xedea Arkitekturako fakultate aurreako lorategian, frontoi modukoa dagoen tokian, arkitekturako bi ikaslerentzako izango litzatekeen etxea diseinatzea, eta lorategia moldatzea ziren.


Etxeak bi solairu izan behar zituen, eskailera bidez konektatzen zirenak, eta hauetan banatuta bi logela, ikasteko birentzako lekua, bi bizikleta uzteko tokia eta komuna jarri behar ziren.


Ez nuen begiradak erakarriko zituen eraikin bat egin nahi, eta horregatik, solarrera ematen duen pareta  eta gaur egun dauden ballak dauden bezalaxe utzi nuen.

Lekua ondo aztertu eta neurtu ondoren nire proposamena lantzen hasi nintzen. Lehenengo pausoa eskaileraren kokapena izan zen.Irakasleek erakutsitako eskaileren adibideen artean egurrezko batek piztu zuen nire jakin-mina eta honen interpretaziotik hasi nuen nire proiektua.


Gustatu zitzaidan eskailerak non jarri erabaki ondoren espazioen banaketarekin hasi nintzen. Hemen hartu nuen lehenengo erabakia sarrera lorategitik izango zela izan zen, eta hala, lorategira sartzeko ere sarrera bat ireki nuen. Sarrera kristal trasluzidoz inguratu nuen, hala trantsizio gune bat sortuz eta beste aldean komuna jartzea ahalbideratuz. Hemengo kristalezko atea ireki eta altuera bikoitzeko gela handi bat jarri nuen, goitik behera kristalera batekin amaitua. Trantsizio gune eta goiko pisuaren zabaleren arteko espazioen dimensio anitzen bidez, eta kristalera handi honi esker, Espazio infinituak sortzea nuen helburu, Mies van der Rohe-k egiten zuen antzera. Gela handi honen albo batean eskailera ikusten da, apalategi moduan ere funtzionatzen duena, eta beste aldean mahai luze bat eta apalak daude.


Lorategian bidexka bat sortu dut, hona sartzeko ateak, etxeko sarrera, Arkitekturako Fakultateko leihoak eta jarri ditudan bi plataformak (bat etxearen aurrean eta bestea lorategi erdian, zuhaitzen adarrek eginiko korapiloaren azpian) lotzen dituena.

• Hauxe izan da honen guztiaren emaitza:

• Hona 1:50 eskalan eginiko maketa:

• Eta beste hau 1:100ean egina:

Gustatu zaizuela espero dut!!

Hurrengoan gehiago! ;D

Erreferentziak

 LOGELA astekoak:

• Mies van der Rohe (modulazioa)
• Marcel Breuer (eskuak)
• Le Corbusier (modulor)
• Eileen Gray
• Eames
• Arne Jacobsen
• Saarinem
• Norman Foster
• Rietveld
• Grupius
• Louis Kahn
• Carlo Scarpa
• Peter Eisenman
• Andy Goldsworthy (eskulturak)
• Làszló Moholy-Nagy
• Jørn Utzon
• Frank Lloyd Wright (su zentrala)
• Richard Neutra (egitura kanpora)

• El gabinete del doctor Calligari

ESKAILERA astekoak:

• Marcel Duchamp (ready-made)
• Burle Marx (paisajista)
• Eduardo Arroyo
• Oscar Niemeyer
• Alvaro Siza
• Luis Barragan
• Carlo Scarpa
• Zaha Hadid
• Peter Zumthor
• Arne Jacobsen
• Rem Koolhaas
• Herzog & de Meuron

• El gabinete del doctor Calligari

JAKIN BEHARREKOAK

• Frank Lloyd Wright (su zentrala)
• Mies van der Rohe (modulazioa)
• Le Corbusier (modulor)
• Richard Neutra (egitura kanpora)
• Marcel Breuer (eskuak)
• Rafael Moneo (Kursaal)
• Santiago Calatrava
• Felix Candela (estruktura geometriko hutsak)
• Frank Gehry (guggenheim)

3. ariketa: Logela. Planoak eta Maketa

bidali ziguten proiektuarekin aurrera jarraitu eta izango duen itsura erabaki nuenean planoak marraztu eta baketan lanean hasi nintzen.

Hemen daude planoak:

Eta hemen maketa:

Gustatu zaizuela espero dut!

3. ariketa: Logela. Lan-maketa

Oraingo honetan Arkitekturako ikasle batentzako logela bat diseinatzeko eskatu digute.
Odorioz, nire ustetan beharrezkoak diren ezaugarriak jarri dizkiot diseinuari.

Alde batetik gelan sartzean espazio han bat ikusi behar da, horregatik ez dut aurkako aldeko pareta ikustea oztopatuko duen ezer jarri.
Bestalde mahaia leiho aurrean jarri dut, argi naturaarekin lan egitea ona izateaz gain distantzia luzera enfokatzeko aukera ematen baitu, begiak erlaxatzeko.
Gainera, Arkitekturan azken batean material desberdinak erabiltzen direnez, eta hauek tamaina handia dutenez, mahai ingurun apalategi asko eta almazenatzeko armairuak jarri ditut.
Garrantzi handia eman diot lan-tokiaren eta lo-tokiaren arteko guneen banaketari, bi guneetako atmosferak antonimoak baitira.
Horrez gain, ohea ateari begira jarri dut, mendeetan zehar egin den bezala.
Komuna lo-gunetik eta lan-tokitik distantzia berera jarri dut, edozein momentutan joan ahal izateko.
...
Oraingoz ez dago bukatua, baina ondo doala esango nuke.

Maketan adierazitako aukera bat da, baina gehiago ere pentsatu ditut:

3. ariketa: Nire Logela

Nire logela leku garrantzitsua da niretzat, izan ere bertan pasatzen ditut eguneko ordu gehienak; alde batetik, deskantsatzea egun berri bat ondo hasteko behar dena delako, eta bestetik, egunean zehar egiten diren lanak bertan egiten ditudalako.

Nire ustez, gela batek izan behar duen ezaugarri garrantzitsuena helburu bat izatea da, eta hori definitzean hasiko gara atmosfera hori lortzeko beharrezko ezaugarriak jartzen.

Honexegatik, lo egiteko gelari ohe bat, argi leuna eta gauza gutxi gehiago sartuko nizkioke; eta aldiz lan egiteko gelari argi naturala, bizitasuna eta gauza eskura izateko apalak jarriko nizkioke.

Hau dela eta, nire logela bi zatitan banatua dago:
Sartu eta lehenik mahai zuri handi bat ikusten da, isladatzen duen argitasunari esker esnatzen nauena eta bertan exeri eta lanean jartzen laguntzen nauena; eta orduak aurrera pasa ahala, nekeak nirekin ahal duenean, begirada altxa eta gelaren ilunpean ohe handi bat dut zain. 

Batzuetan banaketa hau madarikatzen dut, nekatua nagoela lan egin behar dudanean tentazioa aurrean izatea ez baita erraza.
Hau dela eta, bi gune hauek banatzeko modua aurkitzeari garrantzi handia ematen diot, eta nire etxea dudan egunean (eta besteentzat sortzen dudanean) gela desberdinetan banatuko ditut.



Guzti honen gainetik, garantzitsuena "nirea bakarrik den txokoa" dela da. Urte askoan zehar partekatu bahar izan dut logela nire anaiarekin, eta ezinezkoa zen gustatuko litzaidaken bezala izatea gauzak (amak ez zidan anaiaren ohea gelatik kanpo, korridorean, jartzen uzten).

2. ariketa: Egurrezko Txabola. Planoak

Oraingo honetan txabolaren planoak eskatu dizkigute, hor doaz!!

2. ariketa: Egurrezko Txabola. Maketa

Aste honetan ere hemen naiz beste proiektu batekin.
Oraingo honetan egurrez bakarrik eginiko 10 metro karratuko etxetxo bat egiteko eskatu digute irakasleek. Etxola tradizionaletan inspiraturik, ahalik eta erabilera erosoenekoa iruditu zaidan txabola sortu dut.

Hasieran, lotura egokiena zein izango zitekeen jakiteko, paperean marrazten eta proba batzuk egiten hasi nintzen.

 Eraikinaren itsura zein izango zen erabaki eta kanpoko geruza gehitu diot:

 

 Egitura zuzenean lurrean ez dagoenez, honen mailara iristeko eskilara batzuk egin ditut:

Hauxe izan da emaitza: 

Gustatu zaizuelakoan... Milla esker eta laxter arte!

1. ariketa: Papiroflexia. Planoak eta Maketa

Hainbat saiakera faltsu eta beste hainbat buru-hauste eman dizkit lan honek, baina dagoeneko amaitu dut aste honetako proiektua.

Zeregin desberdin askotan ikusten diot lekua nire egiturari, baina garbi daukadana estalki moduan izan behar duela da.

Alde batetik autobus geltoki bat izan liteke.
Jendea barrukaldean jarritako eserlekuetan eseriko litzateke autobusaren zain eta hau gerturatzen ari den jakiteko, leihotik begiratzea besterik ez lukete egin beharko. Gainera, atzeko aldea kristal batekin estaliz, ez litzateke egituraren kolore eta formekin hautsiko.


Bestalde etxe unifamiliar baten garaje jasogarria izan liteke.
Etxeko horma baten kanpoko aldean jarrita, kotxearekin iristean aparkatzeko maniobratzen hasi beharrean, zuzen zuzenean tapatua geldituko den eremuan utzi eta jarraian estalkia zabalduko litzateke. Itxita gelditzeko, toldoa egina dagoen material berdinaz itxiko nuke kanpoko aldean gelditzen den gunea.






Era berean, kafetegi baten aurrean jartzeko erretzaileentzako gune bat izan daiteke.
Duela gutxi martxan jarritako lege baten ondorioz erretzaileek lokal publikoen barnean erre ezin dutenez, lokalaren aurrean jarritako, baino bertatik kanpo gelditzen den luzapen gune honekin, aterpe batean kontsumi dezakete. Egituraren alboetako leihoei esker, zigarroek botatako kea estalpetik kanpora irtengo litzateke.











Izango dena izango dela, zuek ere honelako zerbait egin nahi izango bazenute hementxe emango dizkizuet egituraren planoak...

... eta hauxe litzateke emaitza:

Gustatuko zaizuela espero dut!!